O equipo Alpha Wolf Pack de Lugo imponse en MMA Origen FE en León
O equipo Alpha Wolf Pack de Lugo volveu brillar o pasado sábado 24 no evento de MMA Origen FE celebrado en León. Baixo a dirección do seu capitán Luis Castaño e coa asistencia técnica de Yoel Barrios, a formación lucense logrou unha nova vitoria grazas á actuación de Diego Rodríguez.
O combate celebrouse no pavillón Puente Castro, onde loitadores internacionais e centos de afeccionados se congregaron para desfrutar dunha intensa velada que combinou combates de Light Contact, K1 e MMA. Diego Rodríguez, que competiu nunha categoría de peso superior á súa, dominou por completo o seu rival ata conseguir a finalización no segundo asalto cunha técnica de estrangulamento VonFlue, sumando así a súa segunda vitoria por finalización.
Con moral alta e tras esta brillante actuación, o equipo Alpha Wolf Pack xa se prepara para a súa próxima gran cita: o Mundial de Xiu Xitsu Brasileiro que se celebrará a finais de xuño.