O grupo de teatro de Airiños do Neira estrea en Baralla a súa primeira obra
O grupo de Teatro Airiños do Neira presenta a súa primeira creación escénica baixo o título “Bar Manolo”, unha comedia dirixida por Lines de Silva coa que o colectivo teatral inicia a súa andaina nos escenarios da provincia.
A estrea terá lugar o venres 4 de xullo ás 21:00 horas no Centro Sociocultural de Baralla, nunha cita aberta ao público que supón o debut oficial deste grupo amador vinculado ao municipio.
A obra promete unha posta en escena divertida e cercana, coa que o grupo busca conectar co público da comarca a través dunha historia cotiá ambientada nun bar de pobo.
A dirección de Lines de Silva achega unha mirada persoal e coidada, cunha aposta por unha dramaturxia que mestura humor, retrato social e retranca galega.
Desde Airiños do Neira animan á veciñanza a asistir a esta primeira representación, que consideran un paso importante para dinamizar a vida cultural local e crear un espazo de expresión artística comunitaria.