O Maristas coróase bicampión galego
LugoXa
O Maristas Lugo converteuse en campión autonómico por segunda vez consecutiva despois de vencer ao Porriño
24 Maio 2022
Ledicia no equipo Maristas que se converteu en campión por segundo ano consecutivo tras acadar o título galego. Os lucenses vencían na final de Porriño aos locais, PBB A, nun 78-59 para a lembranza.
O Maristas comezou indo un paso por diante, pero o Porriño seguíalle a pasos curtos grazas a Haile que fixo 23 puntos na primeira metade. Tralo descanso, os lucenses recuperaron a defensa e foron aumentando a vantaxe paseniñamente. Foi no último tempo, cando o Maristas colleu máis forzas para levarse o campionato galego.
No último tempo, ademáis, o adestrador, Óscar Engroba, sacou á cancha a todos os seus xogadores, que colaboraron na segunda vitoria consecutiva do equipo.