O mellor do tenis de mesa cítase no Torneo Internacional San Froilán Dez Portas
![dez_portas_torneo_feminino_tenis_de_mesa](https://lugoxa.com/wp-content/uploads/2024/04/dez_portas_torneo_feminino_tenis_de_mesa.jpg)
![](https://lugoxa.com/wp-content/uploads/2024/07/XIII-Torneo-Internacional-San-Froilan-Dez-Portas.jpg)
A cidade prepárase para o XIII Torneo Internacional San Froilán Dez Portas, que terá lugar na Casa do Deporte, situada na avenida Infanta Elena, os días 14 e 15 de setembro. Os clubs galegos rexistraranse utilizando o sistema habilitado para o efecto pola FGTM.
O resto de clubs españois e estranxeiros formalizarán a súa inscrición descargando o formulario de inscrición na web tamén da FGTM. O sábado 14 terá lugar a proba para nenos, nados ata 2010 inclusive; a Proba Sub-21, nados entre 2010 e 2004; proba Sénior, nados despois de 2004; Proba Veteranos, entre 1984 e 1965 e Proba Veteranos para os nados despois de 1965.
O domingo 15 de setembro comezará o torneo ás 10.00 horas e finalizará cando rematen todas as probas. Será a quenda da Proba Absoluta Mixta, xa que o torneo xogarase en “sistema mixto” cunha primeira fase por grupos e unha segunda por eliminatorias con competición polo 3º e 4º posto. Ademais, hai 350 euros en premios. Os interesados poden solicitar máis información no 626 343 360 e realizar as súas inscricións na web ata o 6 de setembro.
![XIII Torneo Internacional San Froilán Dez Portas](https://lugoxa.com/wp-content/uploads/thumbs/2024/07/XIII-Torneo-Internacional-San-Froilan-Dez-Portas-200x282.jpg)