O Mercado Municipal acolleu a segunda Xornada de Intercambio de Artigos Cervexeiros
![mercado intercambio articulos cervexeiros](https://lugoxa.com/wp-content/uploads/2023/10/mercado-intercambio-articulos-cervexeiros.jpg)
O Mercado Municipal acolleu a Xornada de Intercambio de Artigos Cervexeiros de Lugo, organizada pola asociación de Coleccionistas Cervexeiros de Galiza. A concelleira de Participación e Servizos para a Veciñanza, Cristina López, explicou que “estas xornadas están a reunir coleccionistas de todo o estado que teñen por afección coleccionar artigos relacionados co mundo da cervexa”.
A xornada amosou os artigos de máis de unha ducia de expositores que mostraron as súas pezas durante a xornada do domingo. Participaron coleccionistas de botellas de cervexa, chapas, pousavasos, etiquetas, vasos serigrafiados e outros artigos coleccionables. A concelleira de Participación destacou que “é un foro de intercambio único e tratase dunha oportunidade para coñecer o mundo do coleccionismo relacionado coa cervexa”, e engadiu “a veciñanza de Lugo poderá acudir de xeito gratuíto a ver as distintas coleccións”.
A mostra conta co apoio de La Craft, cervexaría artesá ubicada no Mercado Municipal, que permitirá degustar distintas cervexas artesás realizadas en Lugo.
A mostra está a ser promocionada nun dos foros de coleccionismo especializado na cervexa máis importantes a nivel estatal e internacional, e desde a organización cóntase coa presenza de coleccionistas de Galiza, de distintas partes da peninsula, que se achegarán a Lugo para mostrar a súa colección.