O Museo do Castro de Viladonga acolle unha charla sobre a bioloxía e a mitoloxía dos anfibios e réptiles de Galicia
O Museo do Castro de Viladonga celebrará este domingo 30 de novembro unha conferencia dedicada á bioloxía e á mitoloxía dos anfibios e réptiles presentes en Galicia. A sesión estará a cargo de Martiño Cabana Otero e dará comezo ás 11:00 horas nas instalacións do museo.
Durante a charla, o público poderá achegarse ao fascinante mundo destas especies, coñecer as súas características, a súa importancia ecolóxica e as numerosas lendas vinculadas a elas no imaxinario galego. Ao rematar o encontro, organizarase unha ruta pola contorna do castro para observar e identificar algúns dos seus habitantes e descubrir máis sobre o ecosistema que rodea o xacemento.
A organización destaca que se trata dunha actividade pensada para aprender e gozar da natureza, combinando divulgación científica e experiencia directa no medio natural.