O Museo do Castro de Viladonga celebra o Día das Letras Galegas 2025 co grupo A Volta do Agro
O Museo do Castro de Viladonga acollerá este sábado 17 de maio unha celebración especial do Día das Letras Galegas 2025, cunha actuación do grupo de música e baile tradicional A Volta do Agro, ás 17:30 horas.
A agrupación, coñecida pola súa labor de recuperación e posta en valor do patrimonio cultural galego, ofrecerá unha mostra de música tradicional con instrumentos como o tamboril, a pandeireta e o acordeón, acompañada de vistosos traxes tradicionais e danzas populares que evocan a vida no agro galego.
Este evento, organizado coa colaboración da Xunta de Galicia, pretende poñer en valor a nosa lingua, a nosa música e as nosas raíces, nun espazo tan simbólico como é o Museo do Castro de Viladonga, referente da cultura castrexa e da identidade galega.