O Orfeón Lucense ofrece esta tarde o seu tradicional Concerto de Nadal

O coro oficial da Catedral de Lugo fará un percorrido pola música do Nadal de todos os tempos

O Orfeón Lucense ofrece o seu tradicional Concerto de Nadal na capela do Bo Xesús da Catedral lucense esta tarde de luns, 23 de decembro, ás 20.45 horas.

Neste caso, é de entrada libre, polo que se anima a toda a cidadanía lucense a que acuda á Catedral para desfrutar de cancións do tempo de Nadal.

Así, o coro oficial da Catedral de Lugo fará un percorrido pola música do Nadal de todos os tempos, con especial atención á canción popular galega do tempo do Nadal.