O Pavillón de Friol acollerá un campionato de tute o 26 de abril
O próximo 26 de abril celebrarase no Pabellón de Friol un campionato de tute organizado pola Asociación Santa Isabel. A inscrición ten un prezo de 50 euros por parella, e a xornada combinará competición, xantar e premios.
O evento comezará cun xantar ás 14:30 horas, e o campionato dará inicio ás 16:00 horas. Está previsto que participen parellas chegadas de distintos puntos da comarca, nun ambiente festivo e competitivo.
Os premios para os gañadores serán de 250 euros para a primeira parella clasificada, 150 euros para a segunda e 75 euros para a terceira. Ademais, haberá premios de consolación para os participantes que non consigan clasificarse entre os primeiros, consistentes en dous xamóns para o primeiro posto, dúas botellas de Cardú para o segundo e dous queixos para o terceiro.
As persoas interesadas en participar poden inscribirse contactando con Jorge (659 62 38 15), Luis (628 66 55 94), Rafa (699 99 40 60), Alejo (619 54 62 01) ou Morandeira (670 78 05 88).
O campionato promete unha tarde de entretemento, competitividade e boa comida, sendo unha excelente oportunidade para os afeccionados ao tute e para quen queira gozar dunha xornada distinta en Friol.