O paradelense Diego López anima ao Club Deportivo Lugo a gañar o partido do domingo
O paradelense recoñecido nacionalmente pola súa carreira como porteiro, Diego López, achegouse á tenda oficial do Club Deportivo Lugo para saudar aos porteiros da entidade, ata os máis pequenos da canteira.
O de Paradela, ademais, mandou unha emotiva mensaxe aos xogadores do primeiro equipo, que compiten, por primeira vez na tempada 2024-2025 da Primeira Federación, no Anxo Carro este domingo, 1 de setembro, a partir das 20.00 horas, contra a SD Amorebieta. "Sachadores, desexámosvos moita sorte para o partido desta fin de semana. A gañar!".
Pola súa banda, desde o Club obsequióuselle cunha camiseta oficial, #ADeSempre, que inclúe o seu nome e o número 13 no dorsal, número co que desempeñou o seu labor de porteiro desde 2016 no RCD Espanyol de Barcelona e no Raio Vallecano na súa última tempada 2022-2023.
Diego López comezou a súa carreira deportiva no fútbol español nos equipos de Paradela como cérbero de futbol sala e de fútbol campo, á vez que militou no equipo da SD Sarriana. Máis adiante, formouse na canteira do Club Deportivo Lugo, casa á que pertenceu desde 1994 ata 2000.