O Plan de proxectos de mellora da eficiencia do ciclo da auga vén de beneficiar a Palas de Rei e Sarria
Palas de Rei e Sarria veñen de beneficiarse dos fondos europeos correspondentes ao Plan de proxectos de mellora da eficiencia do ciclo da auga (Perte da dixitalización da auga).
Este proxecto impulsa o uso de novas tecnoloxías no ciclo integral da auga, o que permitirá melloras na súa xestión, aumentar a súa eficiencia e reducir perdas nas redes de suministro, entre outros.
A operadora Espina y Delfín é á que se lle outorgan estas axudas do Proxecto estratéxico para a Recuperación e Transformación Económica (Perte) da Dixitalización da auga coas que a entidade desenvolverá as diferentes actuacións, entre as que figuran a: telelectura de contadores abonados, instalación de caudalímetros, analizadores de parámetros fisicoquímicos, sectorización de redes, así como novidosas plataformas de acceso á información para compartir datos coas administracións e usuarios finais.