O Porta Miñá acada un histórico terceiro posto no Campionato de España Alevín
LugoXa
Está a disputarse na piscina M86 de Madrid o Campionato de España Alevín de natación no que as nadadoras do Porta Miñá teñen un bronce
16 Xul 2023
Está a disputarse na piscina M86 de Madrid o Campionato de España Alevín de natación no que as nadadoras do Porta Miñá están a competir a un gran nivel.
O venres o equipo de 4x200 libres formado por Alba Lema, Laura Abuín, Antía Prieto e Patricia Fernández conseguiron un feito histórico para o club ao facerse coa medalla de bronce pelexando moi de preto pola prata ata o último metro co segundo clasificado.
Ademais Alba Lema en 50 costas logrou bater a mellor marca galega deixándoa en 34.30. Laura Abuín foi quinta en 800 libres de 11 anos e Patricia Fernández oitava en 800 libres. Antía Prieto fixo a súa mellor marca persoal en 50 libres.