O PP de Cervantes confirma o apoio da Xunta a servicios fundamentais para o municipio
![FOTO xuntanzas Óscar Fernándezz PP Cervantes (1)](https://lugoxa.com/wp-content/uploads/2023/08/FOTO-xuntanzas-Oscar-Fernandezz-PP-Cervantes-1.jpg)
O voceiro do PP en Cervantes Óscar Fernandez mantivo varias xuntanzas en Santiago de Compostela en diversas dependencias da Xunta de Galicia onde reafirmou o compromiso do goberno galego con varias infraestruturas fundamentais para o desenvolvemento do municipio.
O voceiro popular, que estivo acompañado da vicevoceira e deputada autonómica, Encarna Amigo, mantivo unha xuntanza coa directora do Agader, Inés Santé, que lles reafirmou “que a Xunta de Galicia está disposta e quere colaborar cos veciños de Cervantes na posible creación dun polígono agroforestal, sen esquecer a posta en marcha de novas zonas deste tipo no futuro”.
Óscar Fernández e Encarna Amigo tamén acadaron o compromiso do goberno galego para estudar o desenvolvemento dunha área recreativa en Donís e buscar vías de financiamento.
CERVANTES FÓRA DO CONVENIO PREVENCIÓN INCENDIOS
Noutra das xuntanzas, Óscar Fernández amosou a súa preocupación ao comprobar que Cervantes segue sen unirse ao convenio da Xunta para a prevención de incendios. “A realidade é que a Xunta pon ao dispor de Cervantes todas os medios e ferramentas necesarias en materia de prevención de incendios, pero o municipio non está unido unicamente pola desidia e falta de traballo e interese do alcalde”, sentenciou.