O PP de Lugo denuncia a falta de persoal esencial na Casa da Muller

Os populares esixen ao Goberno local que garanta os recursos humanos necesarios para que a Casa da Muller poida ofrecer unha atención integral e continuada

O PP de Lugo denuncia a falta de persoal esencial na Casa da Muller, xa que desde agosto está sen psicólogo, "un servizo clave para ofrecer apoio e atención ás mulleres vítimas de violencia de xénero", apuntan os populares.

A situación agravouse en setembro coa xubilación do avogado especialista, posto que tampouco se cubriu ata o momento cando ambas prazas figuran na Relación de Postos de Traballo (RPT) do Concello.

"Esta falta de previsión contrasta coa rapidez coa desde o Goberno local recorren a contratos menores para servizos como socorristas e vixilancia nas Caldas, ou por exemplo a renovación da seguridade das instalacións muncipais que se contratou con esta fórmula nada máis rematar o anterior contrato".

Por isto, desde o PP esixen ao Goberno local que poña fin a esta situación e garanta os recursos humanos necesarios para que a Casa da Muller poida ofrecer unha atención integral e continuada.