O PP de Lugo pide unha ordenanza que regule o uso dos locais sociais municipais
O Grupo Municipal do Partido Popular de Lugo denunciou a falta de transparencia e regulación no uso dos locais sociais municipais na zona rural, sinalando que esta situación está a xerar desigualdades no acceso a estes espazos.
Din que, actualmente, non existen criterios claros e públicos sobre o seu uso, cesión ou reserva, o que favorece prácticas arbitrarias.
Segundo o PP, o Goberno local "está a fomentar o clientelismo e a arbitrariedade ao favorecer a algúns usuarios na utilización destes espazos".
O Partido Popular subliña que debería haber unha ordenanza que regule de maneira clara e pública o uso destes espazos evitaría estas prácticas e garantiría que os locais sociais cumpran a súa verdadeira función: estar ao servizo de toda a cidadanía, sen favoritismos políticos nin discrecionalidade.