O PP de Lugo reclama o coidado das esculturas
![coidado esculturas pp](https://lugoxa.com/wp-content/uploads/2023/09/coidado-esculturas-pp.jpg)
O PP propón un plan de seguimento e mantemento continuo para esculturas en espazos públicos. O concelleiro popular Agustín Gallego enumerou varios exemplos de monumentos que teñen verdín ou suciedade froito da meteroloxía, ou ben outros casos nos que sufren destrozos por vandalismo.
Dende o PP lamentan “a deixadez e a falta de atención do bigoberno á hora de conservar en bo estado o patrimonio que temos” e pide que se fagan revisión periódicas para recoller aquelas incidencias que pudieran producirse para logo buscar as solucións pertinentes.
Expuxo tres exemplos onde o verdín "afea as esculturas" ou elementos conmemorativos: bimilenario da fundación de Lugo situado nas inmediacións da porta de San Fernando, busto de Rosalía de Castro e tamén hai numerosos exemplos na zona rural como o cruceiro da parroquia de Muxa.
"Un dos casos nos que se reflexa a máis absoluto desprezo pola patrimonio escultórico é o caso do Sebastián Alanceado de Paco Pestana situado na Praza Roxa e que está descabezado e que se apartou e colocou sobre un muro deste espazo público", din.