O PP denuncia o mal estado dun trazado do Camiño Primitivo
![Foto Camiño Primitivo portada](https://lugoxa.com/wp-content/uploads/2023/08/Foto-Camino-Primitivo-portada-1.jpg)
O Partido Popular vén de denunciar o ‘“lamentable estado que presenta a vía que sube dende o barrio da Ponte hacia A Louzaneta e que forma parte do trazado do Camiño Primitivo ao seu paso pola cidade, un dos valores turísticos e culturais fundamentais da cidade”.
Os popular afirman que “o Goberno Local ten a obriga de manter os distintivos turísticos en perfecto estado todo o ano pero, especialmente, na temporada estival que é cando máis visitantes recibe a nosa cidade”.
A concelleira Flora Rubinos manifestou que “queremos que os turistas e peregrinos atopen unha cidade coidada e agradable e sexan un medio de difusión que leven o nome de Lugo polo mundo atraendo a outras persoas a visitar a nosa cidade”
Para o Grupo Popular “o Camiño Primitivo, xunto a outros atractivos turísticos da cidade, constitúe un motor económico para a cidade polo que debe ser coidado con esmero”.
![Foto Camiño Primitivo](https://lugoxa.com/wp-content/uploads/thumbs/2023/08/Foto-Camino-Primitivo-200x400.jpeg)