O proxecto Ningún aro sen rede achégase ata Castro de Rei
O director da Fundación Breogán, Salva Arco, e a directora da UNED de Lugo, Ana Traseira, acompañados de Maximus visitaron os colexios CEIP Ramón Falcón, en Castro de Rei e o colexio CEIP Veleiro do Campo, en Castro Ribeiras de Lea dentro do Proxecto Ningún Aro sen Rede.
Agora mesmo nas canastras destes dous colexios locen as novas econets de Ecoballution.
Os dous colexios sumáronse a esta campaña da Fundación Breogán, xunto coa UNED Lugo e Ecoballution, a prol da reciclaxe e da economía circular.
Ademais recibiron cadanseu contedor de reciclaxe de aparellos de escritura para xerar puntos que se moneticen en diñeiro destinado a fins sociais e por tanto a promover este fermoso Proxecto.
Na actividade estiveron presentes o director da Fundación, Salva Arco, que lles explicou ós nenos/as presentes en que consiste como funcionan se obteñen as redes de Ecoballution e como naceu o proxecto, pola súa parte a directora da UNED, transmitiulles a importancia da reciclaxe e da economía circular. Xuntos comprobaron que as redes de Ecoballution funcionan á perfección mediante un reto entre a rapazada dos colexios no que se repartiron entre outros premios entradas para poder ver ao CB Breogán no Pazo.
No CEIP Ramón Falcón, en Castro de Rei, as integrantes do proxecto foron recibidas por todo o alto, con animación musical incluída. Destacando desta visita a gran implicación dos mestres/as, que participaron activamente nos concursos.
A actividade rematou con Maximus asinando autógrafos e posando para fotos con todos os nenos e nenas.
O proxecto Ningún Aro sen Rede ten como principais fins promover os valores do deporte e do desenvolvemento sostible entre a rapazada.