O PSOE de Portomarín denuncia o abandono das pistas municipais na parroquia do Castro

O partido sinala o mal estado das vías e a suciedade nos contedores, reclamando intervencións urxentes do Concello e inclusión no Plan Deputación 2026

O PSOE de Portomarín denunciou o estado de abandono das pistas municipais na parroquia do Castro, cualificándoas de destrozadas e intransitables.

Desde o partido reclaman que estas vías se inclúan no Plan Deputación 2026 ou se reparen canto antes con fondos propios do Concello, lembrando que desde 2021 non se aproban orzamentos nin se realizan investimentos propios na localidade.

Ademais, sinalan o grave problema de suciedade e abandono nos contedores e os seus contornos, lembrando que xa se solicitara en pleno e noutras ocasións unha limpeza adecuada e regular.

O PSOE asegura que este problema é xeneralizado en todos os rincóns do municipio e reclama actuacións inmediatas para mellorar a situación.