Deportes

O SDC San Roque e o EF Polvorín poñen en marcha a segunda edición do campus de tecnificación Fernando Seoane.

O SDC San Roque e o EF Polvorín poñen en marcha a segunda edición do campus de tecnificación Fernando Seoane. A proposta, que está dirixida aos rapaces nados entre o ano 2009 e o 2018, inclúe olimpiada de fútbol, xogos de posición, técnica individual, rondos e 1x1.

A iniciativa será do do 2 ao 6 de setembro de 9.00 a 14.00 horas. Comezará o luns ás 8.45 no Polvorín coa entrega da roupa e a formación dos grupos e desenvolverase nas seguintes xornadas no pavillón Maria Auxiliadora e no campo do Seminario. Ten un prezo de 85 euros e as prazas están limitadas a 120. Os interesados poden anotarse ata o 23 de agosto. É preciso mandar a inscrición e o xustificante de pago ao efpolvorinlugo@hotmail.com