O Shihan aposta pola inclusión das artes marciais en Lugo
O Shihan aposta pola inclusión das artes marciais con adestramentos para persoas con síndrome de Down en Lugo. Na cidade arranca o tour 2024 Tsuki por la inclusión, coordinado por Ainhoa Rodríguez Fernández, xunto a Down España e o Consello Superior de Deportes.
Esta primeira parada será cos usuarios de Down Lugo os días 16 e 18 de xullo con adestramentos inclusivos abertos que terán lugar na Escuela Deportiva Shihan e que serán impartidos polos seus técnicos. Como sosteñen moitos profesionais, os beneficios de practicar deporte xunto a persoas sen discapacidade para as persoas con síndrome de Down ou outra discapacidade intelectual son innumerables.
Deste xeito, Down España e a Real Federación Española de Karate (RFEK) continúan co seu acordo de colaboración para impulsar a práctica do karate inclusivo e conseguir que as persoas con síndrome de Down se sintan incluídas na sociedade a todos os niveis e que ademais gocen dos beneficios do deporte inclusivo.