O Urban Tour 2.0 completa o cartel de participantes
![Urban tour portada](https://lugoxa.com/wp-content/uploads/2023/07/Urban-tour-portada.jpg)
A iniciativa, promovida por Xuventude, reunirá a 32 artistas urbanos o vindeiro mes en Lugo, coa participación do artista local LE33.
O Urban Tour 2.0, un encontro xuvenil relacionado coa música urbana promovido pola área de Xuventude do Concello, completou o cartel de participantes para a batalla de galos que terá lugar o vindeiro sábado, 9 de setembro. En total, serán 32 artistas os que competirán por diversos premios, incluída a creación dun videoclip.
Así o avanzou o edil Jorge Bustos quen lembrou que “a través desta iniciativa relacionada coa música urbana e as batallas de galos, buscamos visibilizar o esforzo, arte e creatividade que se esconde detrás desta disciplina artística”. Con este obxectivo, ademais da parte demostrativa, o domingo, 10 de setembro, tamén haberá unha parte formativa.
Deste xeito, celebraranse catro obradorios de rap e improvisación, con 15 participantes por grupo, impartidos polo artista local LE33, de 16:00 a 20:30 horas, na Casa da Música de Lugo. O rapeiro lucense tamén participará como speaker na batalla de galos do día anterior, na que actuará como DJ Affair e como xurados: Yosua, Puma e Guanyar.
As inscricións para participar nos obradoiros, así como as entradas gratuitas para asistir de público a batalla de galos, xa se atopan dispoñibles a través da súa páxina web. As actividades serán de balde para todos/as os/as asistentes.
![Cartel Batalla de Galos urban tour](https://lugoxa.com/wp-content/uploads/thumbs/2023/08/Cartel-Batalla-de-Galos-urban-tour-200x289.jpg)