O Vello Cárcere acolle obradoiros polo Día da Natureza
![vello cárcere actividades día natureza](https://lugoxa.com/wp-content/uploads/2021/03/vello-carcere-actividades-dia-natureza.jpg)
O Vello Cárcere de Lugo pon en marcha unha serie de obradoiros con motivo da celebración, mañá 3 de marzo, do Día Mundial da Natureza.
Os máis pequenos poderán participar nos obradoiros 'O paxariño amarelo' que se levará a cabo en distintas xornadas. Así, mañá mércores, o obradoiro será ás 17.30 horas e irá dirixido a nenos e nenas de 3 a 5 anos. Para os nenos de 6 a 9 anos, habrá dúas quendas: unha o sábado 6 ás 17.30 horas, e outra o domingo 7 á mesma hora.
O recinto cultural acollerá tamén actividades para os adultos. É o caso do obradoiro 'Faladoiro A Vida Silvestre' que se desenvolverá o domingo, día 7, ás 19.30 horas.
Todos os obradoiros, tanto os infantís como o de adultos, tratarán sobre a biodiversidade. Para participar nalgún deles é preciso inscribirse no teléfono 982 297 195.
![vello cárcere actividades día natureza2](https://lugoxa.com/wp-content/uploads/thumbs/2021/03/vello-carcere-actividades-dia-natureza2-200x139.jpg)