O Vello Cárcere ofrece un encontro co médico e activista palestino Mohamed Safa

Este xoves, O Vello Cárcere de Lugo acolle a charla Palestina 75 anos de resistencia e ocupación da man de Mohamed Safa, médico e activista palestino.

Este xoves, O Vello Cárcere de Lugo acolle a charla Palestina 75 anos de resistencia e ocupación da man de Mohamed Safa, médico e activista palestino. O encontro, organizado polo colectivo Lugo por Palestina, comezará ás 20.30 e será de entrada libre e de balde ata completar aforo.

Safa é un médico oftalmólogo de profesión, impulsou e participou en diferentes iniciativas culturais e políticas destinadas a dar maior visibilidade á causa palestina. O seu activismo materializouse en numerosos artigos, libros e conferencias.