Balance da situación da covid-19 nas distintas comarcas da provincia de Lugo. Casos activos, contaxios e defuncións concello a concello.
Os gromos de Lugo e Castroverde impiden á covid continuar baixando máis rápido do que o fai. Este venres hai 175 casos activos, dous menos que onte, cando a subida foi de dous casos.
Diagnosticaron nas últimas 24 horas 14 casos novos (onte foron 17). Como os de onte trátase de contaxios dos gromos detectados na cidade de Lugo e en Castroverde, no primeiro caso extendido en postos de traballos e no segundo durante a celebración dun cumpreanos. As altas chegaron ás 12.685, 15 en 24 horas, cando onte foron 16.
Dende que comezou a pandemia, no mes de marzo do pasado ano, hai 13.081 casos rexistrados e 216 persoas falecidas.
A presión hospitalaria mantense con 3 persoas ingresadas no Hula, 1 na UCI e dúas en planta. Os outros dous hospitais seguen limpos de covid.
Os cambios de restricións por concellos están do seguinte xeito ata o sábado:
- Máxima. Para incidencia maior de 500 casos por 100.000 habitantes.
- Alta. Para incidencia de 250 a 500.
- Media. Para incidencia de 150 a 250. Viveiro e Xove.
- Baixa. Por debaixo de 150. O resto da provincia.
POR COMARCAS
Preocupa o aumento de caos en Castroverde por una festa mentres o crecemento en Lugo estabilízase polas altas malia ter varios casos novos tamén polo gromo detectado entre traballadores.
A Mariña
- Xove xa están con incidencia baixa e menos de dez casos. Foz volve ter algún positivo.
- O Vicedo, Viveiro e Burela están sen casos na última semana.
- Sen casos novos máis de 15 días están Ourol, A Pontenova, Riotorto, Barreiros, Trabada, Lourenzá, Mondoñedo, Ribadeo, O Valadouro e Cervo. Únese Alfoz.
Terra Chá
- Vilalba, Abadín, As Pontes, Begonte e Cospeito teñen casos pero con baixa incidencia.
- Deixan de estar limpos de covid pero con baixa incidencia tras semanas limpos Friol, Guitiriz e A Pastoriza.
- Outeiro de Rei leva unha semana sen casos novos.
- Sen positivos dende hai máis de quince días están: Muras, Rábade, Castro de Rei, Xermade, Pol e Meira.
Centro da provincia
- Os casos en Lugo baixan a 86 (3 menos) axudados polas altas.
- Dispárase a incidencia en Castroverde a valores de alerta extrema con 11 positivos.
- Palas volve ter casos pero con baixa incidencia.
- O Corgo e Portomarín levan xa unha semana sen casos novos.
- Limpos de covid nos últimos quince días están: Negueira de Muñiz, Baleira, Guntín, Antas de Ulla, Pedrafita, As Nogais, Baralla, Ribeira de Piquín, Becerreá, Cervantes, A Fonsagrada, Monterroso e Navia de Suarna.
Comarca de Sarria
- Sarria segue con 13 casos pero mantén a incidencia baixa.
- Triacastela leva unha semana sen casos. Súmase Paradela.
- Samos, O Páramo, Láncara e O Incio seguen limpos de covid dende fai máis de dúas semanas.
Ribeira Sacra
- Folgoso do Courel eleva a incidencia, aínda en valores normais.
- Chantada e Taboada levan xa unha semana sen positivos. Súmase Monforte.
- Sen casos en máis de quince días: Ribas de Sil, Bóveda, O Saviñao, Carballedo, Sober, Pantón, A Pobra de Brollón e Quiroga.
