Obras de mellora na estrada que comunica a parroquia de Abeledo coa de Recimil
![obras abeledo recimil](https://lugoxa.com/wp-content/uploads/2021/05/obras-abeledo-recimil.jpg)
O edil responsable de Medio Rural, Miguel Fernández, supervisou o avance das tarefas de mellora do firme do camiño de titularidade municipal que comunica os núcleos de Abeledo, na parroquia de Santa María de Bóveda, e Recimil, en San Lourenzo.
A obra, na que se invisten 54.825 euros, enmárcase no Plan Único Provincial de Cooperación. “O viario é moi transitado e a súa mellora beneficiará directamente a medio milleiro de veciño/as da zona”, segundo explicou Miguel Fernández.
O edil explicou que a actuación consistirá na limpeza e formación de cunetas para facilitar a circulación de augas de escorrentía, na extensión dunha capa de rodadura de mestura asfáltica en quente, previa regularización da superficie nas zonas máis deformadas ou con baches, e na sinalización horizontal e vertical no ámbito de actuación.