Oito medallas para o Porta Miñá no campionato de España júnior
Grandísimos resultados para os nadadores do CN Porta Miñá no Campionato de España Absoluto da categoría júnior de Málaga e que os sitúan cada vez máis preto dos grandes clubs nacionais de natación.
Clasificáronse para numerosas finais e ademais conseguiron dous records galegos absolutos en relevos.
Conseguíronse 2 medallas de ouro, 3 de prata e 3 de bronce. Destacou o 6º posto absoluto en relevos de 4x100 estilos masculino, algo inimaxinable ata hai pouco tempo.
“Un orgullo que un club que desenvolve a súa actividade na piscina municipal de Frigsa do Concello de Lugo, ao que estamos eternamente agradecidos, consegue estes resultados pelexando fronte a outros equipos que dispoñen de grandes infraestruturas e medios deportivos, o que demostra que con traballo e ilusión conséguense tamén grandes resultados”, din desde o club.
“Unha vez máis amosamos que hoxe en día falar de natación en Galicia é referirse ao Porta Miñá Lugo nesta categoría e no resto como referente deste deporte”.
A representación do PortaMiñá foi a mellor de todos os equipos galegos ao que felicitaron e recoñeceron este novo gran resultado e a enorme tempada que acaban de finalizar.
Inés Mourenza, en júnior, obtivo medalla de ouro en 200 bolboreta, prata en 800 libres e en 400 libres. Tamén foi bronce en 1.300 libres. Nestas mesmas competicións, respectivamente foi sétima, cuarta, sexta e sétima. Ademais, en 50 bolboreta, foi 12ª junior.
Sofía Mourenza obtivo tamén medallas en júnior, a de ouro en 200 braza e a de prata en 400 estilos. Tamén foi cuarta en 50 braza e 100 braza e quinta en 200 estilos.
Bos resultados tamén para Martín Vázquez, que obtivo unha medalla de bronce en absoluto novo en 100 costas. No mesmo rango foi cuarto en 50 bolboreta, sexto en 50 costas e sétimo en 100 bolboreta.
O mellor resultado de Brais Novo foi a medalla de bronce en 200 braza de absoluto novo, onde tamén foi noveno en absoluto. Quedou tamén entre os dez primeiros en 50 libres, 50 braza, 200 libres e 100 braza en absoluto mozo. Raquel Cando foi quinta en absoluta en 400 libres e duodécima en 1.500 libres.
En relevos 4x100 estilos mixto, Martín Vázquez, Sofía Mourenza, Inés Mourenza e Brais Novo foron record galego absoluto cun tempo de 4.07.05.
E tamén en relevos 4x100 estilos masculino Martín Vázquez, Brais Novo, Antonio Sánchez e Pablo Rodríguez obtiveron o sexto posto absoluto e record galego absoluto cun tempo de 3.50.50.
Pola súa banda, o conxunto infantil do Porta Miñá participou no Campionato de España de Sabadell logrando colocar entre os oito mellores a nadadores do club en diferentes categorías. Entre os resultados destaca a marca de Celia López, de 13 anos, que foi sexta en 100 costas, logrando a mellor marca galega cun tempo de 1.08.72.
Tamén destacou o cuarto en 400 e 200 estilos de Laura Santas, que tamén foi sétima en 200 mariposa e o tamén sétimo en 1.500 libres de Brais Pérez.