Organizan a décimo quinta edición da Festa do río, en Baralla

A música e a gastronomía serán os grandes protagonistas da cita, que está organizada por Airiños do Neira

Organizan a décimo quinta edición da Festa do río, en Baralla. A cita, que está organizada por Airiños do Neira, será o vindeiro 7 de xullo e comezará ás 13.00 horas coa actuación da asociación. A partir das 14.30 horas, terá lugar o xantar popular a base de empanada, xamón cocido, churrasco, sobremesa e café.

Os interesados ponen anotarse no 626 290 324 ou no 616 254 031. A música non faltará na xornada pois contarán coas actuacións do cantante barallés Dani Pardo e de Delfo e Javi Show.