Organizan en Cervantes unha xornada de supervivencia na montaña

Forma parte do programa do terceiro trimestre da Deputación de Lugo organizado nos tres concellos da Reserva da Biosfera Os Ancares Lucenses

Organizan en Cervantes unha xornada de supervivencia na montaña como parte do programa do terceiro trimestre da Deputación de Lugo organizado nos tres concellos da Reserva da Biosfera Os Ancares Lucenses. A iniciativa será o 14 de setembro de 10.00 a 20.00 e o 15 de 9.00 a 19.00 horas no edificio de servizos múltiples.

É para adultos e ofértanse 24 prazas. Todas as actividades son gratuítas e teñen aforo limitado, polo cal é preciso reservar praza a través do correo electrónico ancareslucenses@deputacionlugo.org ou nos teléfonos 982 227 812/813, nos que tamén poderán recibir máis información sobre a programación.