Organízase un mercado solidario para colaborar coa Protectora de Animais e Plantas de Lugo
A Sociedade Protectora de Animais e Plantas de Lugo organiza, ata o 11 de xaneiro, un mercadillo solidario na esquina que cruza San Pedro e Campo Castelo de Lugo.
Este evento non só busca recadar fondos para os animais en espera de adopción, senón tamén concienciar sobre a importancia do coidado e respecto cara a eles.
Ademais de gozar dun espazo do Nadal e solidario, as persoas interesadas poderán colaborar directamente co labor da Protectora a través de compras e doazóns.
O mercadillo estará aberto en horario de tarde, de 17.30 a 20.30, e convídase a todos os asistentes a achegarse para coñecer a algúns dos peludos que esperan atopar un fogar cheo de amor.
A organización informa de que anunciará posibles aperturas en horario de mañá a través das súas redes sociais, para facilitar que máis persoas poidan participar.