Os clubs de natación do Fluvial e do PortaMiñá dominaron o campionato galego infantil
![INFANTIL PORTA MINA LUGO](https://lugoxa.com/wp-content/uploads/2023/07/INFANTIL-PORTA-MINA-LUGO.jpg)
Esta fin de semana disputouse o Campionato Galego Infantil de verán en Pontevedra, onde tanto o PortaMiñá como o Club Fluvial se fixeron cun gran número de medallas.
O Club Fluvial obtivo 13 medallas en total. Na masculina, Pedro Subirán fíxose co ouro en 1.500 metros e co bronce en 200 libres. Héctor Pallín logrou dúas medallas de prata, en 50 metros e en 200 costas e André Moreno foi bronce en 50 bolboreta.
Na categoría feminina destacou o bronce de Lucía Cando, en 50 bolboreta. Tamén, Claudia Soto obtivo 3 pratas e Martiña Ladra fíxose con dous segundos postos (100 libres e 100 bolboreta) e dous terceiros (50 bolboreta e 50 mariposa).
O equipo infantil do CNPortaMiñá fíxose cos tres trofeos de campións da clasificación conxunta, masculina e feminina. Ademas os nadadores do PortaMiñá conseguiron numerosas medallas de ouro, prata e bronce en probas individuais e de substitucións.
Estamos na recta final das competicións galegas, a falta do Campionato Galego Absoluto de verán que se disputará en Ourense do 7 ao 9 de xullo, e nas que o PortaMiñá dominou a práctica totalidade das competicións ao longo destes meses en case todas as categorías amosando gran firmeza deportiva.