Os restos de Uxío Novoneyra partiron cara o Courel
Partiron cara o Courel os restos mortais do escritor Uxío Novoneyra que permanecían enterrados no Cemiterio Municipal de Lugo. O cadaleito foi despedido ás 9:30 horas de hoxe coa presenza da familia do escritor, integrantes de todos os grupos políticos que compoñen a Corporación Municipal e representantes de difrentes institucións e entidades culturais. O Tenente Alcalde, Rubén Arroxo, destacou a importancia da presenza de Uxío Novoneyra en Lugo e da súa categoría como escritor “contribuíu coa súa obra a poñer as letras galegas a nivel internacional, despois de pasar por Santiago e Lugo os seus restos deben rematar onde foi a súa vontade, no Caurel”.
Co cadaleito cuberto pola bandeira galega, diversas persoas da súa familia e do tecido cultural deron lectura a poemas e fragmentos literarios da autorio do escrito do Caurel. Como inicio da viaxe o gaiteiro Bruno Villamor interpretou o Himno Nacional Galego ante os restos mortais de Uxío Novoneyra. O cadaleito foi acompañado dunha coroa de rosas brancas doada polo Concello de Lugo.
Uxío Novoneyra faleceu aos 69 anos en Santiago de Compostela, o 30 de outubro de 1999. O velorio do gran poeta da montaña lucense celebrouse no Panteón de Galegos Ilustres, en San Domingo de Bonaval. Foi enterrado en Lugo o 31 de outubro, no Cemiterio de San Froilán, en Lugo, nun acto multitudinario ao que tamén estiveron grandes amigos de Novoneyra.
Uxío Novoneyra foi un poeta e escritor galego. Fillo dunha familia campesiña de Folgoso do Courel, un dos seus principais referentes nas súas obras. En 1945 marchou á cidade de Lugo a estudar e alí coñeceu a Manuel María e a Luís Pimentel. Ao longo da súa vida estableceu vínculo cun círculo de galegos destacados como Ramón Piñeiro, Ramón Otero Pedrayo, Manuel Colmeiro entre outros.
É considerado un dos mellores escritores no relativo á paisaxística. No ano 2010 dedicouselle o Día das Letras Galegas.
Moitas das súas obras foron publicadas en xornais, revistas ou doutra maneira antes de aparecer nalgún dos seus libros, por iso, normalmente están modificados