Outeiro de Rei celebra este venres a Festa dos Nenos
LugoXa | TerraChaXa
Como remate final, haberá a tradicional festa da escuma
![festa-da-escuma-vilalba-festas-campamento](https://lugoxa.com/wp-content/uploads/2023/08/festa-da-escuma-vilalba-festas-campamento.jpg)
Festa da escuma
6 Xuño 2024
O Concello de Outeiro de Rei organiza para este venres día 7 de xuño a XXIV Festa dos Nenos, na que pequenos e rapaces poderán gozar de diferentes inchables, karts e tobogáns de forma gratuíta en horario de 16:30 horas ata as 19:00 horas. Tamén contarán con merenda.
Como remate final, haberá a tradicional festa da escuma, para a que se lembra a conveniencia de vir preparados para a molladura.
Se o tempo acompaña, terá lugar na Praza da Vila e en caso de choiva, trasladarase ao pavillón municipal e o pavillón do Colexio Público Laverde Ruiz.