Outeiro de Rei celebra tamén esta fin de semana as súas festas patronais
![festa-concerto-verbena-festas-de-vilalba](https://lugoxa.com/wp-content/uploads/2022/09/festa-concerto-verbena-festas-de-vilalba.jpg)
![](https://lugoxa.com/wp-content/uploads/2024/07/cartel-festas-outeiro-de-rei.jpg)
A localidade de Outeiro de Rei celebra tamén esta fin de semana as súas festas patronais na honra a Santa Isabel facéndoas coincidir coa Feira de Artesanía.
Hoxe, venres terá lugar a Festa da Terceira Idade, que rematará co baile amenizado polo grupo Los Adrianos.
O sábado as celebracións tamén se cruzarán coas da feira, que se inaugura ás 12.00 horas. Unha hora despois terá lugar a actuación da banda Sons e Soños diante da casa consistorial para pasar a facer a sesión vermú coa orquestra Escaparate sobre as 14.00 horas.
De noite volverán actuara xunto a Alianza. Haberá tamén unha sesión de fogos de artificio promovida polo Concello.
O domingo comezará a sesión cunha misa solemne na igrexa de San Xoán coa actuación da Coral Músico Crisanto e a consabida procesión.
A sesión vemú e a verbena estará a cargo do grupo Zona Zero e pola noite actuará tamén Bomba, un grupo canario.
A misa das 13.00 horas abrirá o programa do luns. Despois da procesión será o grupo Mar de Arousa o que se encargue da sesión de mediodía. Repetirán á noite xunto a Cinema e durante a tarde, de 17.00 a 18.30 horas haberá inchables para os nenos.
![cartel-festas-outeiro-de-rei](https://lugoxa.com/wp-content/uploads/thumbs/2024/07/cartel-festas-outeiro-de-rei-200x280.jpg)