Ovidio Montaña será o candiato do BNG en Becerreá para as vindeiras eleccións
![Ovidio Montaña, candidato do BNG á alcaldía de Becerreá](https://lugoxa.com/wp-content/uploads/2023/04/Ovidio-Montana-candidato-do-BNG-a-alcaldia-de-Becerrea.jpg)
A asemblea local do Bloque Nacionalista Galego en Becerreá decidiu Ovidio Montaña Regueiro será a persoa designada para encabezar a candidatura nacionalista á Alcaldía nas vindeiras eleccións municipais.
Natural de Morcelle, Ovidio traballa como inspector veterinario da Xunta de Galiza na oficina agraria de Becerreá.
Ovidio Montaña declarou “O BNG é garantía de traballo, honradez e ilusión para mellorar a calidade de vida da veciñanza, por isto este 28 de maio imos a por todas, para liderar un goberno municipal centrado en Becerreá e nas súas capacidades”
Neste senso, o candidato do BNG á alcaldía destacou “temos un proxecto con total confianza nas potencilidades propias e con perspectiva de que Becerreá dá para moito máis, temos que ser a referencia da comarca en canto ao dinamismo económico como noutros ámbitos”
Ovidio Montaña agradeceu ás compañeiras e compañeiros do BNG por confiar nel para liderar a candidatura do BNG “quero agradecer a confianza que depositaron en min as compañeiras e compañeiros do BNG para poder encabezar este proxecto, o que estou seguro que será a candidatura que xere ilusión na veciñanza para dar pasos adiante”