Pablo Abuín, novo responsable local do BNG do Corgo
Pablo Abuín vén de ser escollido como novo responsable local do Corgo, como parte da renovación dos órganos de dirección do BNG dentro dos traballos posteriores á XVIII Asemblea Nacional do BNG.
Deste xeito, a Asemblea Local do BNG aprobou a responsabilidade de Pablo Abuín Cedrón, que substitúe no cargo a María Abuín Sanfiz como anterior responsable local, que segue como vicerresponsable local.
A asemblea agradeceu a María todo o traballo feito nestes anos como responsable local, posto de ocupaba dende o 2022, e esta agradeceu a cohesión organizativa da equipa de traballo, o traballo feito nos procesos electorais e a activa participación en actos, mobilización e vinculación co asociacionismo por parte de la militancia .
Pola súa parte, o novo responsable sostivo que "afronto este novo reto con ilusión e co ánimo de expandir o proxecto do BNG a nivel local”. Pablo Abuín agradeceu a confianza depositada pola militancia e manifestou que “quedan por diante moitos retos que afrontar nun concello gobernado por políticas inmobilistas, totalmente estancado e incapaz de resolver os problemas que sofren os veciños".