Palas de Rei acollerá un seminario sobre robótica en abril
O seminario diríxese principalmente a nenos e nenas de 1º a 6º de Educación Primaria. Poderán asistir tamén familiares, profesorado e demais persoas interesadas en iniciarse en cuestións relacionadas coas distintas tipoloxías de robos e a súa utilidade, sempre e cando queden prazas libres, dándose prioridade aos estudantes do municipio palense.
Na actividade poderán participar un total de 30 persoas, que deben inscribirse previamente a través do enderezo electrónico neg@neg.gal.
A programación inclúe ponencias e tamén obradoiros prácticos. Así, Yon Penas Busto conversará sobre computación, programación e robótica cos nenos e nenas que, a continuación, poderán participar nos obradoiros impartidos por Ana Isabel Castro Rodríguez e Rocío García Pazos, do Grupo Cavila, e polo propio Yon Penas Busto.
O seminario de robótica e programación xorde coa finalidade de ofrecer un espazo de encontro para os máis novos, co fin de favorecer a análise e utilización crítica dos robots na escola, nas aulas e nos fogares. Tamén, para ter unha visión práctica deste uso educativo.
