Palas de Rei acollerá un taller práctico gratuíto sobre intelixencia artificial para empresas
O Concello de Palas de Rei organiza unha formación práctica gratuíta sobre intelixencia artificial destinada a empresas e emprendedores, que se celebrará o próximo 12 de marzo de 10:00 a 14:00 horas no centro comarcal do Concello.
A iniciativa busca ofrecer ferramentas e coñecementos para que os negocios poidan optimizar as súas tarefas mediante a aplicación de tecnoloxías de intelixencia artificial.
As persoas interesadas poden inscribirse ou solicitar máis información contactando co teléfono 689 69 03 47. A formación está financiada pola Unión Europea a través do programa NextGenerationEU e conta co apoio do Goberno de España e de diversas entidades formativas especializadas na capacitación dixital e empresarial.
O obxectivo desta actividade é que os participantes adquiran competencias prácticas que lles permitan implementar solucións de intelixencia artificial no seu traballo diario, mellorando a eficiencia e a produtividade das súas empresas.