Palas de Rei prepárase para abrir as súas piscinas este verán

Todos aqueles que desexen usar as instalacións deberán facer un carné familiar nas oficinas do Concello

Palas de Rei ultima a preparación das súas piscinas municipais para a apertura este verán. A inauguración para esta tempada será o vindeiro 1 de xullo. Todos aqueles que desexen usar as instalacións deberán facer un carné familiar nas oficinas do Concello, que ten un custo de 6,29 para os veciños e 15,71 para os non residentes.

No caso de non contar con este carné, os usuarios deberán pagar unha taxa diaria de 0,52 euros os que sexan veciños do municipio e de 1,05 os non residentes.