Pechan temporalmente o acceso oeste ao parque do Sagrado Corazón, en Lugo

Esta actuación está motivada pola ampliación da ocupación temporal que necesita realizar Adif para continuar coa construción da Estación Intermodal

Parque Sagrado Corazón

A partir do 1 de xullo o acceso ao parque do Sagrado Corazón terá que realizarse unicamente pola entrada principal das instalacións (fronte á rúa Serra de Meira) xa que a situada á beira oeste do recinto permanecerá pechada.

Esta actuación está motivada pola ampliación da ocupación temporal que necesita realizar Adif para continuar coa construción da Estación Intermodal e a execución do paso de cidade previsto nesa zona. A colocación de valos comezará xa estes días, aínda que inicialmente non afectará aos accesos do parque.