Peter Punk Pallaso estará en Friol este domingo
![actuacion-peter-punk-friol](https://lugoxa.com/wp-content/uploads/2024/07/actuacion-peter-punk-friol.jpg)
Friol acollerá este domingo unha nova actuación para a cativada. Trátase da actuación de Peter Punk Pallaso, que traerá o seu espectáculo Chungo que te cagas.
A actuación terá lugar ás 18.30 horas no parque Rosalía de castro da localidade.
Este é o primeiro espectáculo no que Peter Punk comeza a súa andaina como pallaso. E no que se perfila a súa personalidade divertida e irreverente, que fará as delicias de cativas, cativos e maiores, creando un universo propio no que a liña de traballo é a diversión, o xogo e unha visión moi persoal do mundo.
Mostrará a súa destreza (ou non) con elementos que van aparecendo da súa maleta: pelotas, un prato chinés, fachos de lume e o clásico tartazo reinventado ao máis puro estilo deste irreverente pallaso internacional.