Rutas

O colectivo organiza este tipo de roteiros guiados para poñer en valor a riqueza cultural e paisaxística dos Ancares

Piornedo Anda retoma o vindeiro domingo, 14 de marzo, os seus roteiros etnográficos polos Ancares.

Os participantes na ruta 'O meu compañeiro' sairán ás 10.00 horas da palloza museo 'Casa do Sesto' e farán un percorrido dunhas catro horas de duración, con chegada ao mesmo punto de inicio.

As persoas interesadas en sumarse a este roteiro guiado, que ten un prezo de 4 euros, deben comunicalo nos teléfonos 630 411 518 ou 659 523 911. Os organizadores recomendan levar pantalón largo e botas.

Coa organización deste tipo de rutas guiadas, o colectivo Piornedo Anda busca poñer en valor "o corazón dos Ancares e a súa grande riqueza en canto a fauna, flora, etnografía e cultura". O carácter etnográfico da actividade vén dado polas explicacións, da man de guías nativas, sobre os usos e costumes tradicionais do monte e da vida na montaña lucense.