Pol acolle unha proba internacional hípica esta fin de semana
Pol convertirase esta fin de semana na capital do Raid xa que acollerá unha varias probas do Campionato de España de Veteranos e Amateur e o Campionato Internacional Puntuable para o ránking da Federación Internacional.
As probas repartiranse o sábado e o domingo e reunirán entre as dúas sesións entre 80 e 100 cabalos e os seus respectivos xinetes. Polo tanto acudirán a Pol participantes de toda España e outros vidos de países como Arxentina, Arabia Saudí e mesmo Kuwait.
Así, o sábado terá lugar a competición para unha distancia de cen quilómetros, que o domingo ampliarase ata os 120, a proba estrela da xornada. Malia a alta participación, serán só unha ducia deles os que puntuarán na internacional.
Os títulos de campión de España de veteranos e amateur xogaranse esta fin de semana en Pol. No segundo caso, os galegos defenderán o ouro que obtiveron o ano pasado.
O Raid é a proba por excelencia do binonio cabalo/xinete que require dun importante esforzo físico e mental. A proba estrela do domingo dividirase en catro fases, de 38, 34, 26 e 24 quilómetres respectivamente, con 40 minutos de descanso entre cada unha.
Para a realización desta competición, o Concello de Pol vén de acondicionar as futuras instalacións deportivas que se están contruíndo en Mosteiro para acoller a gran infraestrutura necesaria para este evento. De feito, veñen de instalar 50 cuadras portátiles para instalar os animais que comerán a chegar mañá a Pol.
A vila volcouse coa celebración da proba, como explica o organizado do evento, Pablo López, "ofrecendo todo tipo de facilidades para a instalación dunha infraestrutura tan grande". Ademais, xa tiveron fai un mes a experiencia que supuxo o test internacional tamén puntuable realizado conxuntamente co campionato galego, o que os impulsou a traer a Mosteiro unha proba hípica desta envergadura.
Ademais Pablo López lembra que "os camiños que hai no concellos son moi bos para a realización desta proba".
