Portomarín celebrou con éxito o seu I Festival de Nadal
O pasado sábado, Portomarín viviu unha xornada inesquecible co 'I Festival de Nadal', un evento que uniu á comunidade nunha tarde chea de espectáculo, entretemento e espírito navideño.
Desde o Concello quixeron expresar o seu agradecemento á Asociación Anpa Virxe da Luz de Portomarín, á Asociación Grupo Río Miño e á Asociación de Pensionistas e Xubilados O Ramallo por facer posible esta iniciativa tan especial, convidando a todos a formar parte deste evento.
O festival destacou pola súa capacidade para unir xeracións, ofrecendo un escenario onde tanto a mocidade como os máis maiores do pobo puideron compartir o protagonismo, demostrando o talento e o compromiso da comunidade.
A iniciativa foi valorada como un rotundo éxito, enchendo de orgullo aos organizadores e asistentes. "Foi marabilloso ver á nosa xente actuar unida, facendo do Nadal un momento aínda máis especial para todos", sinalaron dende a organización.