Portomarín programa actividades de memoria, ximnasia e mantemento
O Concello de Portomarín pon en marcha actividades de verán orientadas á estimulación cognitiva e actividades deportivas para a prevención da fraxilidade e mellora da saúde. As de memoria e ximnasia e mantemento levaranse a cabo en diferentes locais sociais do concello (Bagude, Recelle e o Cruceiro), mentres que en Portomarín levaranse a cabo no Pazo Xeral Paredes. A actividade de aquagym será na piscina municipal. Son propostas dirixidas a persoas maiores de 55 anos e tendo preferencia os empadroados na vila.
Desenvolveranse dende o 5 de agosto ata o 10 de setembro. Son de balde pero contan con prazas limitadas. As inscripcións poden facerse nos Servizos Sociais ata o 26 de Xullo. Os interesados poden pedir máis información chamando ao 982 545 070.