Preparan a apertura das piscinas exteriores de Frigsa para o verán
Preparan a apertura das piscinas exteriores de Frigsa para a tempada de verán o vindeiro 1 de xullo ata o 31 de agosto. Ao igual que anos anteriores, as instalacións municipais terán horario continuado de 12.00 a 20.30 horas entre semana, mentres que os sábados e domingos pecharán media hora antes.
Ademais, o concelleiro de Deportes, Jorge Bustos, explicou que para incentivar o uso das piscinas, o Executivo de Paula Alvarellos decidiu manter os prezos, tanto das entradas como dos abonos. Así, o acceso para nenas e nenos de ata 15 anos cumpridos terá un prezo de 1 euros, mentres que a entrada dos adultos é de 2,20 euros. No caso dos abonos individuais para 15 baños, o prezo para menores ascende a 10.80 euros, e a 22,30 euros para adultos. Ademais, o Goberno local porá a disposición dos usuarios abonos para familias e para pensionistas a prezos aínda máis reducidos.