Presumen dun novo récord histórico de usuarios no Bus Urbano de Lugo
Presentáronse os datos de usuarios do Bus Urbano durante o mes de febreiro de 2025, uns resultados que superan novamente o récord histórico dende que o Concello de Lugo comezou a rexistrar o número de usuarios.
O mes de febreiro de 2025 pechou cun total de 188.699 billetes expedidos, o que supón un incremento de 8.627 billetes en comparación coa marca acadada en 2024.
A área de Mobilidade, presidida por Rubén Arroxo, segue traballando na promoción do bus urbano entre a cidadanía como "un transporte accesible e económico que facilita os desprazamentos, evitando a preocupación por atopar espazo para aparcar".
Ademais, o bus urbano de Lugo mantense como o máis barato de Galicia e o terceiro máis económico de todo o estado, cun prezo de 0,64 euros para o billete ordinario (0,45 euros utilizando a tarxeta cidadá), e de 0,31 euros para os billetes bonificados destinados a persoas con mobilidade reducida, pensionistas, desempregados ou estudantes. Así mesmo, todos os usuarios da Tarxeta Cidadá disfrutan de transbordos gratuítos nos seus desprazamentos.