Pretorianos Club organiza unha marcha cicloturista en Baralla
Baralla será epicentro o vindeiro 15 de setembro da Vía Künig Trail 2024, unha marcha cicloturista aberta a todos os ciclistas federados e non federados de máis de 16 anos. A proba está organizada pola asociación deportiva Pretorianos Club e poderán participar todos os deportistas afeccionados ao ciclismo.
A saída será da praza maior de Baralla e a chegada será tamén no mesmo lugar. Os participantes terán para facer o traxecto ata as 13.30 quedando descualificados automaticamente en caso de non chegar e quedando fóra da organización, supervisión e responsabilidade da proba. As inscricións realizaranse en www.championchipnorte.com ata o 12 de setembro. O custo das inscricións será variable dependendo da data de inscrición.
A competición inclúe a modalidade dunha ruta longa de bici de 50 quilómetros dunha curta que son 27, ademais dunha VKT20K e unha VKT10K e unha camiñata de 10.000 metros, que comezará ás 10.30. É recomendación do Comité Organizador que todas as persoas que se inscriban a esta proba realícense un recoñecemento médico previo ás primeiras probas.