Quinto almorzo saudable en Outeiro de Rei, que son un xoves de cada mes
Alumnado de segundo de Primaria do CEIP Laverde Ruiz de Outeiro de Rei participou no quinto almorzo saudable organizado polo Concello en colaboración coa Axencia Galega da Calidade Alimentaria (Agacal), dependente da Consellería do Medio Rural, co fin de promover bos hábitos alimentarios entre os nenos e nenas.
Esta actividade desenvólvese unha vez ao mes para que poidan participar os estudantes de todos os cursos de Primaria e estivo presente o alcalde da localidade, José Pardo Lombao. O día elixido foi o xoves, ás 9.30 horas.
Nesta ocasión, estiveron presentes o alcalde de Outeiro de Rei, Jose Pardo Lombao; Begoña Seco Varela, xefa territorial de Sanidade de Lugo e tenente alcalde de Outeiro de Rei; Natalia Botana Rey, xefa territorial de Sanidade de Pontevedra; Elena López, de Sanidade Pontevedra; Isabel García Gómez, xestora da dirección de Sanidade de Lugo e Cristina Pérez Fernández, xefa territorial de sanidade da Coruña.
Nos almorzos ofrécense alimentos de proximidade e produtos amparados por algún dos selos de calidade de Galicia: Artesanía Alimentaria, Agricultura Ecolóxica, Denominación de Orixe ou Indicación Xeográfica Protexida. Entre eles figuran leite, iogures, froita, pan, aceite, queixos, mel, marmeladas, galletas, torta de castañas ou cacao, todos de orixe galega, moitos deles da provincia de Lugo.
Convocados pola Rede de Saúde Local do Concello, o obxectivo é que os estudantes consoliden prácticas axeitadas nas primeiras etapas da vida, tanto no ámbito alimentario como en todos os aspectos do seu autocoidado.