Rábade acolle este venres unha xornada sobre a convivencia co lobo
A Xunta de Galicia organiza unha xornada sobre medidas preventivas e de convivencia co lobo en Galicia que se desenvolverá en Rábade este venres.
Diferentes organizacións públicas e privadas buscarán medidas de protección do gando fronte a posibles ataques de lobos.
A actual coxuntura arredor da protección do lobo está creando unha serie de debates e toma de decisións que enfrontan diferentes sensibilidades. Esta idea está detrás da creación da xornada que se celebrará na Casa das Insuas de Rábade.
A reunión contará con intervencións de expertos no tratamento de medidas preventivas para a protección de vacas, cabras e ovellas. Buscarase coñecer máis sobre o lobo, a súa presenza en Galicia, como se pode convivir con el en Galicia e, para finalizar, visitaranse exemplos de peches de pastos para gardar o gando.
